Ole Marthon Granberg og kona flyttar til Sarnen i Sveits.
FOTO: Ann Margit Grønstad
— Det er ikkje skattesystemet generelt eg mislikar
Bedriftseigar Ole Marthon Granberg flyttar om få dagar til Sveits. Etter at Grannar på Facebook la ut ein artikkel om endringa i leiinga i Granberg AS, har mange lokale folk kommentert avgjerda. Han sjølv har ikkje noko imot å utdjupa nærare om bakgrunnen for beslutninga, noko han her gjer.
Ole Marthon Granberg er majoritetseigar i familieselskapet kor andre nære familiemedlemmer eig resten. Det var foreldra hans som etablerte verksemda i 1961, men det er under Ole Marthon Granberg si leiing at det har vore ein enorm vekst. No tek sonen Mathias Granberg (31) over den daglege leiinga på Bjoa.
Ole Marthon Granberg listar opp inntektsskatt, formueskatt, selskapsskatt, eigedomsskatt, arbeidsgjevaravgift, moms og alle dei mange særavgiftene og tollane bedrifta hans må tole.
— Skatt kan vi diskutere og justere, og alle utanom formueskatten er i utgangspunktet greie nok. Det er berre formuesskatten eg kritiserer, ikkje skattesystemet som heilhet, seier han.
