Tysvær
Camilla sin tur til å pussa opp
Ei rekkje butikkar i Aksdal Senter har det siste året blitt renovert og pussa opp. No er det C54 og Camilla Åkre sin tur.
(TYSVÆR BYGDEBLAD): Butikken C54 i Aksdal senter heldt stengt med lokalet blir pussa opp.
— Me skal få nytt tak og golv i butikken. I tillegg skal me få betre lys. Alt dette er noko me har ønskt oss lenge, og det passar best å gjera dette arbeidet på denne tida av året. Arbeidsfolka seier dei skal vera ferdige den 5. februar, etter det går det litt tid før eg får alle varene på plass igjen, seier Åkre.
Annonse
Nytt tak, golv og belysning skal på plass i løpet av 14 dagar.
C54 sin nettbutikk er open som vanleg og har ingenting med oppussinga å gjera.
— Nei, den går for fullt. Eg var heldig at det var ledig i eit nabolokale akkurat no. Utan det hadde eg hatt eit problem, ler Åkre.
