Ber folk om å ikkje bruke meir vatn enn nødvendig

Torsdag skreiv Skånevik Vassverk SA eit Facebook-innlegg med tittelen «Viktig melding om vassforbruk». Dei skriv at det for tida er lite vatn i fjellet, og viser til at det har vore lite nedbør, og at det ikkje har vore varmt nok til å gi særleg effekt av snøsmeltinga. Dette gjer at tilgangen på råvatn er lågare enn normalt.

— Me ber difor alle abonnentar i Skånevik om å vere bevisste på vassbruken og redusere forbruket der det er mogleg. Unngå unødig vatning, fylling av basseng og anna bruk som ikkje er strengt nødvendig, skriv vassverket.