Aksdal Senter og Tysvær kommune einige om utbygging

– Det er ei glede å fortelja at Aksdal Senter har blitt einige med Tysvær kommune om vegen vidare når det gjeld utviding av senteret. Me har avtalt kjøp av tomteareal, slik at me kan byggja ut til vinmonopol i dobbel storleik, samt utviding av areal til kjøkken og restaurant. Avtalen inneber at Aksdal Senter må overta ansvaret for VA-anlegget i bygget, men Tysvær kommune har strømpa» røra på nytt. Det betyr at levetida er vesentleg forlenga. Dei gir oss i tillegg ei garanti for dekking av kostnader i ti år, seier eigar av Aksdal Senter, Svein Kåre Edland.

Avtalen er munnleg og skal signerast om kort tid.

– Formelt ventar me på utkast til avtale som må behandlast av styrande organ på begge sider. Men munnleg og via e-post har begge partar stadfesta avtalen. Me håpar på byggjestart i løpet av august og ferdigstilling i løpet av seks månader, seier Edland.

Utbygginga blir mot vest.