Nye NM-rundar for Moland Enge

Bjørn Magne Moland Enge (36) frå Sandeid er klar igjen etter smellen under NM-opninga i rallycross. No er det to nye NM-rundar i bakkeløp som står for tur. Løpa går på KNA Varna utafor Moss laurdag og sundag.

— Det er rallycrossen eg satsar på, men eg har i år i tillegg valt å køyra NM i bakkeløp for å få trening, utan at eg har tenkt å vera listefyll, seier 36-åringen som ligg på ein niande plass i NM i bakkeløp og femteplass i rallycross NM.

Moland Enge er nøgd med sesongstarten, der målet dette året er å etablera seg på eit høgare nivå, helst blant dei fem-seks beste i klassen sin i rallycross.