Laurdag kan Solfrid frå Etne og Kristine frå Vikedal skrive fotballhistorie

Det blir skrive fotballhistorie når FKH Damer og Viking barkar saman til eit prestisjefylt Rogalandsderby i 1. divisjon førstkomande laurdag. Dette er nemleg den første heimekampen for nye» FKH Damer etter samanslåinga med Avaldsnes IL sitt damelag, og det blir den første heimekampen i 1. divisjon for FKH.

Dette er dessutan den første sesongen det er gitt grønt lys for at FKH Damer får spele på Haugesund Sparebank Arena. Altså den same stadionen som herrelaget spelar på i Eliteserien. Tidlegare har kvinnene spelt på Djervbanen i Haugesund. Og FKH har ambisjonar om å nytte høvet til å setje ny publikumsrekord for 1. divisjon kvinner. Dette skjer om klubbrekorden frå i fjor ryk. 1.438 tilskodarar så lokaloppgjeret mot Avaldsnes 2 i 2. divisjon i fjor.

Gler seg