Fortsett sigersrekka

Skjoldar/Vats/Vik/Vindafjord sine fotballkvinner tok sin sjette strake siger i 4. divisjon avdeling 2 søndag kveld. Rubbestadnes på bortebane var ingen utfordring for samarbeidslaget som slo til med ein komfortabel 1-4-siger.

To scoringar av Thea Karoline Blikra følgd opp med eit straffemål av søstera Gjertrud Blikra og ei siste scoring av Oda Wannberg gjorde at gjestane tok med seg tre poeng heim. Dei følgde dermed opp sigeren i lokaloppgjeret mot Ølen på tysdag.

Med 18 poeng på seks kampar held Skjoldar/Vats/Vik/Vindafjord seg på toppen av tabellen, tre poeng framfor Åkra som har full pott på sine fem kampar. I neste serierunde onsdag 8. juni møter dei Torvastad 7ar borte.