Omfamnar det nye livet sitt

— Eg har blitt veldig godt mottatt, seier Baidaa Shamkha Alhamdan.

Då ho og familien kom til Noreg, var dei på fleire asylmottak og fekk god rettleiing om vegen vidare og kva dei måtte gjere dersom opphaldet deira blei permanent.

Etter ei stund hamna dei i Etne og byrja på introduksjonsprogrammet. Alhamdan fortel at ho har blitt kjend med nordmenn i Etne som har bidrege til å lære henne norsk. Ho føler det har vore lett å kome i kontakt med folk og snakke med dei i den nye heimbygda si.