Representantar i Vindafjord kommune drøfta fordeling og busetjing av 33 flyktningar i kommunen i 2026 tysdag.
SVEIN-ERIK LARSEN
Tar imot 33 nye flyktningar
— Dei som er flyktningar, er i ein meir krevjande
situasjon enn oss. Det må me hugse, sa varaordførar Gustav Løge Fosse (KrF)
etter at fleire hadde problematisert dei lokale konsekvensane av å ta inn nye
flyktningar til Vindafjord.
Under kommunestyremøtet
tysdag stemte 17 representantar frå Sp, KrF, Ap, Vindafjordlista og SV for at
Vindafjord skal seie ja til å ta imot 33 flyktningar i 2026. Dei la til eit
punkt som slo fast at nokre bygder og tenester er meir pressa enn andre, og at
det difor vil vere nødvendig å ta i bruk heile kommunen i busetjinga av
flyktningane.
Modolf Haraldseid (H)
fremja eit forslag om å busette 20 flyktningar, fortrinnsvis i andre bygder enn
Ølen. Dette fekk berre støtte frå han og tre av fire partikollegaer.
