Fekk fem minutt på å evakuera

— Politiet kom og banka på døra og me fekk fem minutt på oss til å evakuera. Me køyrde i bilen vår opp gamlevegen til Rullestad, seier Jørgen Lundal som saman med kona Solveig måtte søkja tilflukt hos dottera si på Rullestad då raset gjekk.

Alle som oppheldt seg på Fjæra denne sundag føremiddagen måtte rømma staden, og enn så lenge er det umogleg for fastbuande og hyttefolk å koma tilbake.

— Det er rundt åtte fastbuande på Fjæra, resten er hytter. Dei fleste som var her reiste til slektningar. Me veit ikkje kor lenge me må vera vekke, men me får melding kvar dag frå kommunen om korleis det ligg an, seier han.