Lokale bibliotek råka av konkurs

I eit Facebook-innlegg skriv Etne bibliotek at fjernlån frå og til biblioteka er mellombels stansa. Det blir jobba med alternative løysningar, men førebels er det ikkje mogleg å få bøker frå andre bibliotek enn Etne og Vindafjord hos dei.

— Me er sjølvsagt veldig leie oss for dette og beklagar til alle lånarane våre, og me håpar me får ei mellombels løysing klar etter kvart. Ventar du på ei bok utanfor Etne/Vindafjord, må du nok smøre deg med ei god dose tolmod, og eventuelt vurdere å skaffe boka på andre måtar om det hastar, skriv Etne bibliotek.

Dei ber folk gjerne ta kontakt med biblioteket, så skal dei sjå kva dei får til.