Grunnlagstala viser at bønder tener mindre enn andre grupper

Dei oppdaterte grunnlagstala for jordbruksoppgjeret vart lagt fram torsdag. Inntektsnivået i jordbruket er lågare enn skissert i fjor, skriv Nationen.

Slik Budsjettnemnda regnar det, er gapet i inntekt mellom bønder og grupper dei blir samanlikna med, 63.300 kroner i år. Bønder tener mindre enn det som vart anslått i fjor, og det er framleis eit tydeleg inntektsgap mellom bønder og andre yrkesgrupper.

– Dette kjem både av for låg budsjettering av kostnader, og at kostnadene til vedlikehald og investeringar har vore høgare i perioden etter førre landbruksundersøking, seier generalsekretær Anders Bakke Klemoen i Norsk Bonde- og Småbrukarlag.