Held liv i populær bit av marknaden

— Det blir spennande og utfordrande. Hadde me ikkje hatt tru på at mange kjem, hadde me ikkje satsa på prosjektet, fortel Alf Østrem.

Arrangementet går av stabelen i kinosalen på Skakke fredag 21. august. Det blir pub i foajeen både før og etter showet. Verten seier at det blir betre stemning dess fleire som er i salen.

Før sin femte runde er Østrem ærleg på at det blir litt spesielt denne gongen, der Kveldsdrøsen er plukka ut som ein del av Etnemarknaden ein vil gi liv til i eit år utan marknad. Konseptet har vore ganske likt kvart år.