Når nesten heile Ølen ropar – kven lyttar?

Dette er eit lesarinnlegg. Innhaldet gir uttrykk for skribenten sine eigne meiningar og haldningar.

Kommunestyret i Vindafjord har no sagt ja til planane om biogassanlegg på Nerheim. Med 16 mot 9 stemmer vart ei avgjerd teken som vil få store konsekvensar – ikkje berre for næringslivet, men for folk flest i Ølen.

Lat oss vere tydelege: Dette handlar ikkje om å vere for eller imot biogass. Mange av oss ser verdien av grøn energi og utvikling i landbruket. Det dette handlar om, er plassering – og respekt for lokalsamfunnet.