Kjeda sin beste butikk i landet

— Det er nesten ikkje til å tru. Når ein liten butikk i ei lita bygd blir kåra til den beste i heile landet, då treff det rett i hjarta. Dette betyr enormt mykje for oss, for dei tilsette, for kundane våre – og for heile bygda, seier Jarle Kvaløy i pressemeldinga.

Matkroken Imsland vann i stor klasse, som omfattar butikkar med omsetning over 10 millionar kroner. Det betyr at den vesle butikken frå Vindafjord si minste bygd slo butikkar frå heile landet – og kunne reisa heim med den største heideren av alle.

— Denne prisen gir oss eit skikkeleg løft. Men han gir oss også endå meir motivasjon. Me er ikkje ferdige – me har berre fått endå meir lyst til å bli betre, satsa meir og utvikla butikken vidare, seier Jarle Kvaløy.