Krillfartøyet er 120 meter langt og blir det mest moderne i sitt slag. Illustrasjon: Rimfrost
Westcon og Rimfrost i milliardkonflikt om trålar
Det som har vore omtala som verdas mest moderne og grøne krilltrålar, er under bygging av Westcon. Men no har oppdragsgjevar Rimfrost Holding AS kansellert kontrakten.
Skipet som skulle vore levert i 2022, ligg uferdig til kai i Tyrkia. Det er verksemda Rimfrost Holding AS i Ålesund som er kontraktspartnaren til Westcon. Avisa Kystens Næringsliv skriv at Rimfrost no har kansellert kontrakten som skal ha ein verdi på over ein milliard kroner. Nybygget skulle ha vore klart for bruk i 2022, men då NRK skreiv om saka i sommar låg skroget framleis til kai i Tyrkia.
Kystens Næringsliv skriv at konflikten er ein lenge kjend pengetvist, men at det var omtale i årsmeldinga til Rimfrost Holding for 2022 som første gong omtalte kanselleringa. I årsmeldinga skriv Rimfrost at kansellingsoppgjer vil bli gjennomført med bakgrunn i tvistemekanismane i kontrakten. Eigar Stig Remøy uttalar til Kystens Næringsliv at båten skal bli ferdigstilt her i landet, og at skipet vil vera klart for bruk i slutten av inneverande år.
Ikkje varsla
