Vindkraftavtale med ny grunneigar

Dette kjem fram i ein e-post med oppdateringar til planinitiativet, sendt frå prosjektleiar Mats Jønland i Eviny til Vindafjord kommune 12. februar.

Eviny har sendt inn planinitiativ med førespurnad om oppstart av planprosess for Slettene vindkraftverk, vest i Vindafjord kommune, og gjennomført oppstartsmøte med kommunen 12. januar.

I det oppdaterte planinitiativet skriv selskapet at dei no har inngått avtale om leige av grunn med eigar av ein ny eigedom. Denne eigedomen ligg mellom andre eigedomar som allereie er innlemma i planområdet for vindkraft, og har tidlegare effektivt delt vindkraftområdet i to. Eviny og grunneigar ønskjer no å innlemme delar av denne eigedomen i planområdet, slik at ein får eitt samanhengande vindkraftområde.