Ser optimistisk på dei neste 30 åra

Ein blir blenda av verdskjende namn når ein ser på dei 30 festivalplakatane som heng rundt omkring i House of Blues på kaia i Skånevik.

Idèen om festivalen hadde Alf Warloe Christophersen, og han er framleis den som trekk i trådane. Han fortel at det var den store musikkinteressa hans som gjorde at han starta ein festival innan rock`n`roll, blues og soul.

— Joda, det har vel vore eit eventyr dette, men over 30 år så har me arbeidd  planmessig og det er blitt som det er blitt, seier Christophersen, som rosar dugnadskreftene i bygda gjennom alle desse åra.