Utsendingane frå Vindafjord KrF til fylkesårsmøtet i Rogaland KrF: Asle Dagsland (f.v.), Gustav Løge Fosse, Karin Koltveit, Øyvind Oland og Leiv Karsten Medhaug.
VINDAFJORD KRF
Vil løfte opp Bakka–Solheim
Fem representantar frå Vindafjord KrF var med på
fylkesårsmøtet i Rogaland KrF i Stavanger 14. februar. Her blei det vedteke fem
resolusjonar, mellom desse at KrF vil prioritere heile E134.
Vinterveg
Resolusjonen slår fast at
E134 over Haukeli er det klart mest samfunnsnyttige aust–vest-sambandet over
fjellet. Dette blir forklart med at om lag 20 prosent av trafikken i dag er
tungtransport, og at ein vinter- og trafikksikker veg vil vere med og gi næringslivet
på Vestlandet betre konkurransevilkår, samstundes som det aukar beredskapen.
Det er allereie fleire prosjekt i gang, som Røldalstunnelen og fleire prosjekt
austover.
