Ute herja Tor tidligare fredag kveld, og Audny Aasheim, musikalsk leiar for Skakkekoret, vart ei stund noko bekymra då vindkasta fôr med straumen. Vêrgudane ville i midlertidig nyta litt soul-musikk dei også, så dei fekk løya Tor ned nok til at publikum kunne komme seg ut dørene og sørgje for ein fullsett sal på Skakke.
Perler på ei snor
Kordamene ville gi godfølelsen» til publikum frå fyrste stund og starta kvelden med I feel good», deretter kom den eine kjende songen etter den andre som perler på ei snor. Og for kvar song vart damene litt varmare i trøya. Songar som Hit the road Jack», Son of a preacher man» og If you don’t know me by now”, fekk det til å rykka til i dansefoten, og kombinasjonen av raske og rolege songar gjorde det heile til ei fin musikalsk oppleving.
