Bygg og bu
Ung familie satsar på selskapslokale
I vinter overtok Therese Antonsen Hettervik (27) og Sander Hettervik (28) Fjosen, og i vår flytta dei frå Haugesund til Skjold. No vil ekteparet skapa liv og aktivitet i selskapslokalet.
Det unike selskapslokalet Fjosen ligg i Haraldseidvågen i Skjold, der kyr er bytta ut med festpynta bord. I januar tok Therese og Sander over drifta. I vår selde dei huset sitt i Haugesund og flytta til Skjold med barna sine på halvanna og tre år.
Frå landstad til familieprosjekt
Fjosen har likevel ei lengre historie i familien. John Audun Antonsen og familien kjøpte garden i 2003, men sidan då har det ikkje vore drift. Familien budde i Haugesund og brukte staden som landstad. I 2017 blei lokala nesten spontant totalrenoverte. Eigentleg skulle dei berre pussast opp til konfirmasjon for eldste sonen, men i prosessen såg John Audun potensialet for meir. Fram til i vinter var det han som eigde og dreiv Fjosen.
