Trefte blink med russerevy

Det var vanskeleg å finne parkering i Ølen sentrum fredag kveld, og det er kanskje det beste beviset på at russen hadde klart å fylle salen. Eit fullstappa Sjøperlo i Ølen venta spent på at klokka skulle bikke 19.00.

Presis kom opninga, og ho kom med smell. Til tonane av «Footloose» fylte heile russekullet scenen, ikledd kvite t-skjorter og raske briller. Stemninga var sett, og ein kan trygt seie at ho heldt seg gjennom heile kvelden.

Revyen blei døypt «Russerevolusjonen», og sjølv om underteikna ikkje heilt klarte å sjå ein raud tråd knytt opp mot namnet, var det framleis ein meget underhaldande halvannan time ølensrussen hadde stelt i stand.