Slår seg saman. Frå venstre Johannes Helgevold, Frode Molnes, Arve Vågen, Torleiv Sydnes og Anne Marit Helgevold.
Foto: Helgevold
To lokale elektrobedrifter fusjonerer
Skåneviksbedrifta Energikomfort AS søker større spisskompetanse, og blir ein del av Helgevold Gruppen.
Energikomfort AS har drive elektroverksemd sidan 2010, og har i hovudsak arbeidd på den private marknaden med elektroinstallasjon og varmepumper. Bedrifta fusjonerer no med Helgevold Elektro AS, og blir dermed ein del av Helgevold Gruppen i Sandeid.
Vanskelegare for dei små
— Eigarane i Energikomfort, Frode Molnes, Torleiv Sydnes og Arve Vågen, har vore opne om at dei ønsker ei positiv utvikling, og Frode tok derfor kontakt med Johannes Helgevold. Begge partar er einig om at dette skal bli eit gode både for dei tilsette og for kundane i distriktet, skriv Helgevold Gruppen i ei pressemelding.
