Tilbod for dei heimeverande

Er ein flytta frå heimstaden for anten å studera eller jobba, er det ofte høgtidene som trekkjer folk heimover til bygda igjen. Kva er vel kjekkare då enn å treffa kjentfolk når ein tar ei stripe ut livet om kvelden? Trenden er blitt slik, og ofte er det i høgtidene at det blir trongt om plassen på utestadene. Og då diskar sjølvsagt arrangørane opp med forlokkande underhaldning også.

Dei som trommar hardast på stortromma denne påsken er Old River Saloon i Etne, som har fleire spennande band på spelelista si.

— Alle banda er handplukka og programmet er eitt av årets storsatsingar, både i saloonen og i distriktet, seier Aslaug Olden Mala som driv saloonen.