Fagleg koordinator Sølvi Haraldseid (t.v), Marie Eikeland, Marit Rimestad og Renate Fosse sto klar til å ta i mot folk som skal koronatestast i oktober. I dag er pågangen der stor etter at to personar i Etne har testa positivt for covid-19.
ARKIVFOTO: Irene Mæland Haraldsen
Korona-viruset
Testar 16 nærkontaktar i Etne og Vindafjord
Etter at det torsdag vart påvist covid-19 hos to innbyggarar i Etne, har ein i arbeidet med smittesporing funne 16 nærkontaktar. Smittekjelda var fredag føremiddag ukjend.
Fredag føremiddag opplyser smittevernlegane i Etne og Vindafjord at dei samarbeider om smittesporinga. Til saman 16 nærkontaktar, 9 i Etne og 7 i Vindafjord, vil ble testa fredag. Dei forventar svar på deira prøvar sundag eller måndag. Inntil vidare er desse i karantene.
Frå same husstand
Dei to som har fått påvist smitte vart testa ved testsenteret i Ølen tysdag, og torsdag morgon var det klart at covid-19-testen var positiv. Begge er vaksne over 20 år, og dei frå same husstand. Det er ikkje avklart kor dei er blitt smitta.
