Dagleg leiar Morten Helland i Vindafjord Tomteselskap AS gler seg over at det har blitt fart på tomtesalet i Vågshagen og er sal på gang andre plassar.
SVEIN-ERIK LARSEN
Oppsving for tomteselskap
Etter krevjande tider har Vindafjord Tomteselskap AS fått selt seks tomter sidan oppkapitaliseringa i 2024. Dagleg leiar Morten Helland ser lyst på kva dei kan få til framover.
— Me har ein god posisjon og driv til å auke
aktiviteten, seier dagleg leiar Morten Helland i Vindafjord Tomteselskap AS.
Vindafjord Tomteselskap er eit offentleg-privat
aksjeselskap etablert i 2009, som utviklar og sel tomter og bustadprosjekt. Det
blir eigd av Vindafjord kommune, Knapphus Energi, Osakongen Eiendom, Westcon
Yards, Smea, Omega 365, Nappholmen, Berge Sag, MittDistrikt Invest og ingeniør
Nils Reimers.
Selskapet eig 25 tomter, og i tillegg
marknadsfører og sel dei Vindafjord kommune sine bustadtomter: 30 ferdig
opparbeidde og 11 som manglar infrastruktur.
