Tjerand Silde pløyer i Amerika 1909-1916.
Privat
Bygdeliv og amerikafeber
Årets utgåve av Etne Sogelag si årbok er alt å finna i butikkhyllene og som vanleg kan lesarane gleda seg over ei bok fullspekka av historiar og bilde frå dagar som for lengst er forbi.
Det nærmar seg jul og mange ser fram til å kosa seg med dei
faste årbøkene til sogelaga i Etne og Vindafjord. I år kom årboka til Etne
Sogelag ut i god tid før julepakkane kan pakkast opp og bøkene er alt på plass i butikkhyllene. Årboka, som er
nummer 42 i rekkja av årbøker signert Etne Sogelag, inneheld 18 interessante
artiklar fordelt på 86 sider. Artiklane er skrivne av bygdefolk som enten deler
sine eigne minne med lesarane eller har ført i penn historiar fortalt av andre.
— Det
har vore lett å få inn artiklar og me hadde ein del artiklar liggjande over frå
i fjor. Men nå ligg det få artiklar igjen til neste år så me er glad for å få
inn meir stoff, seier Gunbjørg Ljusnes som samam med Paul Tungesvik, Margunn
Mortveit, Margunn Sandvik og Anlaug Tesdal Tungesvik har jobba med årboka.
— Me
starta arbeidet utpå vårparten og var ferdig til november. Me prøver å få med
alle krinsane i kommunen, seier ho.
