To helger i månaden er det dei to 18-åringane Iselin Vannes og Amelia Jensen som styrer ståket i fjøset til bonde Severin Fatland i Vats. Dei passar på at kyr, kalvar og stutar får godt stell, nok mat og at mjølkeroboten verkar som den skal. Jobben som avløysar står i stor kontrast til skulekvardagen ved Karmsund vgs. i Haugesund der tannhelse og interiør står på timeplanen, men for dei to dyreglade og arbeidsame unge damene gir det både glede og meining å ha ansvar for at dyra har det bra.
— Me er veldig glad i dyr og me synest jobben er kjekk. Me gjer nesten alt av arbeid, men fôring med traktor gjer me ikkje, seier Iselin og Amelia.
Arbeidsdagen startar som oftast med å sjekka at alle mjølkekyrne har vore innom roboten for å bli mjølka. Dersom ei ku eller to har hatt problem med mjølking må dei trø til for å hjelpa.
