Stort underskot i Nortura

Første tertial er vanlegvis det svakaste for Nortura, men resultat i år er 117 millionar svakare enn i same periode i fjor, skriv Nationen.

Selskapet skriv i tertialrapporten at den innanlandske etterspurnaden har falle som følgje av opnare grense mot Sverige og fleire utanlandsreiser. Sjølv om Nortura auka marknadsdelen sin i perioden, gjekk det samla sluttmarknadssalet ned med om lag fem prosent. Samtidig er den markante prisauken på energi, transport og andre innsatsfaktorar hovudforklaringa på resultatsvekkinga, heiter det.

Nortura er også bekymra for veksten i kjedene sine eigne merkevarer, såkalla EMV. 80 prosent av kjøttdeigprodukta som blir selde, er no EMV, og Nortura ser ei liknande utvikling for egg, der EMV-delen no er 49,4 prosent.