Stabil bustadmarknad

Interesse og førespurnad etter bustader i bygdene held seg stabilt, folk både kan og vil kjøpa, meiner eigedomsmeklarar.
Prosjektseljar i Berge Sag og Trelast A/S, Terje Halleland seier at salet i distriktet framleis går godt, men at dei har merka ein nedgang i motsetnad til fjoråret.
— Det er hyttetomter og nye leilegheiter me merkar at det går dårlegare med. Men interessa etter einebustader og hytter ved sjøen held seg stabilt, seier Halleland.