Maria Kristin Garatun gler seg til sin første dag som lærar.
Foto: Irene Mæland Haraldsen
Skulestart
Spent før skulestart
Skulesekken er pakka, nedteljinga er begynt og sommarfuglane har starta dansen i magen. Maria Kristin Garatun (24) gler seg stort til første skuledag. Men denne gongen skal ho sjølv stå bak kateteret.
— Første skuledag er på måndag og eg er sikkert like spent som elevane. Eg gler meg veldig, seier Maria Kristin Garatun og gjer seg klar til sin første arbeidsdag på Ølen skule.
Fem års universitetsutdanning ved universitetet i Tromsø er unnagjort og ein spanande jobb som lektor ved Ølen skule markerer starten på eit langt yrkesliv som lærar.
— Eg var heldig som fekk fast stilling som nyutdanna. Mange får vikariat først. Eg søkte jobbar i alle kommunar frå Etne til Haugesund, med lokale skular som første ønskje, seier den ferske lektoren.
