Snøggbåten berga
Hurtigbåten i Ølen har fått forlenga levetid til 1. mars, og i mellomtida skal Hordaland og Rogaland få på plass ein varig avtale om denne ruta.
Før fylkestinget i Hordaland møttest i går, var vedtaket at hurtigbåten skulle slutte å gå til Ølen og Utbjoa frå 1. januar av.
Heilt på tampen har både Rogaland og Hordaland fatta vedtak som inneber at det er vilje til å ta vare på denne båtruta på tvers av fylkesgrensa.
Snuoperasjonen har først og fremst forklaring i at det er nytt fleirtal i begge fylkeskommunane, og som vil ha eit anna utfall enn den blå koalisjonen som måtte forlate makta i dei to fylka.
