Skadeverk på 13 busskur i Vindafjord

I morgontimane torsdag fekk politiet melding om skadeverk på eit busskur i Vikedal. Etter undersøkingar har politiet funne ut at heile 13 busskur i kommunen er utsette for skadeverk.

— Nokre har fått knust alle rutene, medan andre har nokre ruter knust, skriv operasjonsleiar John Ask på politiloggen.

Skadeverka er registrerte langs E134 frå Skjold til Ølen, og vidare i Sandeidvegen og Saudavegen, mellom anna i Vikedal og Sandeid.