Sjukdom i forskingsanlegg

Sjukdommen, som er forkorta til AGD, sytte for store økonomiske utfordringar for oppdrettsnæringa i Australia på midten av 1980-talet. Seinare har den spreidd seg til Europa. Oppdrettsnæringa i Irland og Skottland vart særs råka i 2011 og 2012. AGD vart første gong påvist i Noreg i 2006. Dei siste fem åra har utbrot av AGD vore kjend frå Agder til Trøndelag.

Nyleg vart den også oppdaga på laks i den lukka merden Neptun 3» på Molnes ved Skånevik. Inntaksvatnet på denne merden er ikkje filtrert, og Marine Harvest reknar med at AGD har kome inn med dette vatnet og så smitta fisken. I romjula kom den store brønnbåten Re North» til merden, og fisken i merden var tatt over båten sin store tank med ferskvatn for behandling der.

— Handsaminga er i praksis svært lik som ved avlusing av oppdrettslaks, fortel kommunikasjonssjef Ole Helge Hjetland i Marine Harvest.