Sigra på heimebane

Stølsmark bur til vanleg i Stavanger og spring for GTI idrettsklubb. Med førsteplass var han raskare enn langrennsløparen og trekkplasteret Sjur Røthe frå Voss, som sprang inn til ein tredjeplass. I år som i fjor kom Kjersti Fresvik (24) først av damene, Røldalingen som spring for Gular IL i Bergen. Ikkje lenge etter var den lokale Maryna Novik over streken, dama som sigra i 2014.

Det er ikkje akkurat fyrste gongen sigerherren Ragnar Stølsmark har delteke i Ølmedalen rundt, men den gjevaste plasseringa har han aldri nådd opp til tidlegare. Med den forrykande raske Urige Buta på startstreken i Ølmedalen i mange år, inkludert i fjor, var det nærmast ei umogleg oppgåve for alle andre å nå høgare enn andreplass. I år var Buta imidlertid ikkje å finne på startstreken.