Rådmann Kristian Birkeland kan vise til eit rekneskap i null pluss for 2016 ved hjelp av verdipapir som hadde rask stiging mot slutten av fjoråret. Han er uroa over utviklinga i arbeidsledige og utgifter til sosialhjelp. Økonomisjef Ove Eidsheim med ryggen til.
Foto: Jon Edvardsen
Ser utfordringar framover
Mange arbeidsledige viser igjen i kommunekassa med reduserte skatteinntekter og vekst i sosialhjelp. I januar hadde Vindafjord 4,3 prosent arbeidsledige medrekna dei som er på tiltak. Det er under snittet for Rogaland, men ingen andre kommunar hadde så store vekst i ledige i fjor som Vindafjord.
Fasiten er 53 prosent fleire ledige på eitt år. Det er dette talet som bekymrar rådmann Kristian Birkeland mest.
Skatteinntektene var 23 millionar kroner under opphavleg budsjett for 2016.
