I ei tid kor særleg offshore-reiarlag har fått kjenne på krisetider, har reiarlaget Arriva Shipping AS i Ølensvåg sigla i smulare farvatn. Dei baserer drifta på meir tradisjonell nærskipsfart. Inntektene får dei først og fremst frå frakt av råstoff til landbasert industri, og dei siste åra stadig meir tømmer.
— Me har ikkje vore i nærleiken av dei marginane som supply-båtane hadde for ein del år sidan. Me registerte jo at dei tente gode pengar ein periode, men i Arriva har me valt å halde oss til det me kan best. Og i dag tydar mykje på at det har vore ein klok strategi, seier Sindre Matre. Den Etne-busette 37-åringen er dagleg leiar i familieverksemda i Ølensvåg.
45 års drift
