Landbruk
Satsar vidare på mais
Prøveprosjektet med mais som dyrefôr er inne i sitt fjerde år og framleis er det om lag sju bønder i Etne og Vindafjord som har øyremerka deler av grasbakken til dei næringsrike maisplantene.
I 2021 skifta to bønder i Etne, tre i Vats, ein i Ølensvåg og ein i Skjold ut nokre av grasfrøa på bøen med maisfrø for å bli med i eir prøveprosjekt der målet var å finna ut om det var liv laga å dyrka mais til dyrefôr i vårt distrikt. Til saman 130 mål blei sett av til dyrking av den varmeelskande planten i dei to kommunane, og det første året kunne maisdyrkarane gleda seg over ei svært god avling. Vêret spelte på lag den sommaren og delte ut rikeleg med varmande solstrålar slik at planten fekk gode vekst vilkår.
— Det var veldig bra det første året. Det var vel så godt som tre slåttar, seier rådgjevar i Norsk Landbruksrådgiving Lars Kjetil Flesland.
Landbruksrådgjevaren og bonden frå Etne var så godt nøgd med avlinga han kunne hausta på det 20 mål store arealet sitt at han bestemte seg for å fortsetja med maisdyrkinga. Til sommaren vil han igjen fylla åkeren med den eksotiske kornplanta.
