Satsar med døgnopen butikk

— Me har stor tru på dette. Det blir eit mykje betre tilbod for kundane, seier Jarle Kvaløy.

Han driv butikken saman med kona Britt June Risvold Kvaløy. Dei bur like ved i Kvaløy. Butikken er organisert som Imsland Landhandel AS og har namnet Matkroken Imsland. No går dei bort frå faste opningstider. Butikken skal hovudsakleg vere betent på dagtid, men fjernbetent på kveld, natt og tidleg morgon.

Kundane låser seg inn med betalingskortet sitt. Når butikken er ubemanna, handlar dei som vanleg og betaler i sjølvbetent kasse. Kvitteringa blir skanna på veg ut.