Eit omfattande stillas er på plass ved Sandeid kyrkje, og tømrararbeidet vil truleg starte i slutten av veka.
Foto: Jon Edvardsen
Reparert til fellesferien
Det er tidshorisonten kyrkjeverje Inghart Lasse Tveit i Vindafjord ser for seg. Tidlegare frykta han at også august kunne gå med på grunn av feriestopp i arbeidet. Men ut frå dei opplysningane han sit inne med no, kan jobben bli ferdig til fellesferien startar.
— Sandeid kyrkje har to bryllaup i august, og det ser no ut til at dei kan gå som planlagt. Akkurat når tid arbeidet kan vere ferdig, veit eg ikkje, men det blir pluss minus før ferien, seier han.
Tveit opplyser at litt av arbeidet alt er i gang, og Helgevold Elektro har fått jobben med å ordne det elektriske.
