Reddar 50 kje i året
På Hjelmervik gard i Skånevik jobbar Åse Hjelmervik og Øyvind Eljervik for å utnytta ressursane best mogleg. Dei tek imot kje som elles ville blitt avliva, og gjer dei om til ein smakfull del av norsk matkultur.
Ekteparet Åse Hjelmervik og Øyvind Eljervik bur på Hjelmervik gard i Skånevik, som har vore i familien til Åse i hundrevis av år. Dei har tre barn på 9, 15 og 20 år. Garden strekkjer seg over 1000 mål, frå fjord til fjell, med ein nydeleg sjøutsikt og ei kilometer lang strandlinje. I 2021 tok dei over garden frå foreldra hennar, som framleis bur der og bidreg med mykje god hjelp.
Det fyrste som møter ein når ein svingar av mot garden langs Strondavegen frå Skånevik, er kanskje noko uventa som møter ein, nemleg alpakkaar.
— Det er mange nysgjerrige som stoppar langs vegen for å ta bilete av alpakkaene, seier odelsjenta Åse Hjelmervik.
