Fleire elevar ved Ølen vgs fryktar at dei ikkje får læreplass i Etne om rådmannen sitt forslag 2018-busett blir vedtatt. F:v. Thea Fredriksen Oen, Silje Hjelmtveit, Krishna Paudel, Sigrid Kristine Kaldheim, Victoria Skjold, Amalie Bøthun og Emily Hopland Ravn.
FOTO: TORSTEIN TYSVÆR NYMOEN
Reagerer på kuttforslag
Rådmannen har fått støtte av formannskapet i Etne om å halvere talet på lærlingar i kommunen frå neste haust. Det vil råke fleire elevar ved Ølen vgs hardt.
For å kunne spare éin million kroner årleg i driftsutgifter har rådmannen Pål Nygård i Etne føreslått å halvere kommunen sin budsjettpost for læreplassar frå 12 til 6 plassar frå opptaket neste haust. Om Etne kommunestyre komande tysdag går inn for forslag som har passert formannskapet, vil fleire elevar, mange av dei frå Etne, miste moglegheita til å få læreplass i heimkommunen. I praksis vil fleire dermed også sjå fagbrevet dei har drøymt om gleppe.
Kommunen har i dag lærlingar innan helsefag og barne- og ungdomsarbeidarfaget, i tillegg til éin interkommunal IKT-læreplass som dei deler med Vindafjord kommune.
Auka elevtal
