Havforskingsinstituttet som driv fiskefella i Etneelva, stilte mannsterkt opp då dei torsdag inviterte til informasjonsmøte om den unike installasjonen ved Enge bru. Prosjektleiar Øystein Skaala er godt fornøgd med utviklinga og det dei har oppnådd sidan fiskefella kom på plass for fem år sidan.
— Dette har blitt eit stort forskingsprosjekt i nasjonal og europeisk målestokk, og det beste målepunktet på villaks, sjøaure og rømlingar som finst langs kysten, seier Skaala som jobbar med populasjonsgenetikk og økologi ved Havforskingsinstituttet.
