Settefiskanlegget i Fjæra opna i 2016. No førebur Mowi ei utviding som vil kunne meir enn tredoble kapasiteten målt i fiskemengd.
FOTO: TORSTEIN NYMOEN
Planegg stor utviding i Fjæra
Oppdrettsgiganten Mowi ASA planlegg for det som kan bli meir enn ei tredobling av produksjonen ved det landbaserte settefiskanlegget i Fjæra. Truleg vil det også gi fleire arbeidsplassar.
Dei nye planane kjem fram i brev som Mowi ASA og konsulentselskapet Rådgivande Bilogoar AS har sendt til Noregs vassdrags- og energidirektorat (NVE). I breva, som Grannar har fått innsyn i hos NVE, går det fram at Mowi ASA planlegg å søkje om ei utviding av produksjonen i Fjæra frå dagens ramme på 1.325 tonn produsert fiskemengd til heile 4.600 tonn produsert fiskemengd i året.
Grannar har vore i kontakt med Mowi, kor kommunikasjonssjef Eivind Nævstad-Bolstad i ein e-post stadfestar at selskapet har starta prosessen med å søke om ei eventuell utviding i Fjæra, men presiserer at det ikkje er tatt noko avgjerd om utbygging, og at det vil gå noko tid før dei kan fortelje om planane.
Større smolt
