Sølve Myrvang (f.v.) er glad for at Jarle Kvaløy og Britt June Risvold Kvaløy skal ta over Sand Servicesenter.
Foto: Hanna Maria van Zijp/Omega365 Design
Overtar bensinstasjon og bilverkstad
— Me ser eit stort potensiale i både verksemda og eigedommen. Me har ambisjonar om å skapa eit aktivt og vitalt miljø rundt Sand Servicesenter og gjera dette til ein naturleg stans og møtestad for både reisande og fastbuande i Ryfylke, seier Jarle Kvaløy i ei pressemelding fredag.
20.oktober skal formannskapet i Suldal handsama søknaden om lån og tilskot gjennom Ulla Førre-fondet til kjøp av eigedomen. Dersom blir søknaden vedteken vil paret overta drifta 1. desember.
Byggar vidare
Sand Servicesenter omfattar bensinstasjon, bilverkstad, båt- og motorservice, båtlagring og bilberging. Alle delar av verksemda vil bli vidareført, med same mannskap som i dag, i tillegg til at eigarane sjølve også vil involvera seg mykje i drifta.
