Dei arbeider saman for lokalmaten Lene Røkke Mathisen, Ingvild Haugen, Eileen Selland, Bente Marie Johansen og Anne Dagsland.
FOTO: MARIT TVEDT/TYSVÆR BYGDEBLAD
Oppstart for nytt regionalt matprosjekt
Med ein million i tilskot frå fylkeskommunen dreg ni kommunar på Haugalandet i gang eit stort og ambisiøst prosjekt som dei har kalla Matregion Haugalandet.
(TYSVÆR BYGDEBLAD): Dei første to åra skal startkapitalen brukast til å få prosjektet opp og gå. Sist veke hadde styringsgruppa oppstartsmøte i Tysværtunet der agendaen var å idémyldre og kome med gode forslag på samarbeid mellom kommunane.
Dessutan skal dei tenke høgt omkring korleis ein kan utvikle mangfaldet i den lokale matproduksjonen og etterspørselen etter lokalprodusert mat.
Det er Ingvild Haugen, skjoldabu og med tittel moglegheitsutviklar i Haugaland Vekst, som er leiar av prosjektet. Ho har bakgrunn som agroøkolog, og har vore rundt i verda for å hente seg målretta utdanning og utvikling.
