Kommunalministeren har sagt ja til å flytte Vågselva mot Bjoavegen, pluss fylling i fjorden. Området på land mot Bjoavegen får Ølensvåg Utvikling derimot nei til å røre. Eit stort område frå Kiwi til elva er dermed godkjent til utbygging av bustader, næring og kontor.
Foto: Privat
Ølensvåg Utvikling har fått ja til å flytte elva
For Ølensvåg Utvikling var det viktig å få flytta Vågselva og fylle ut i fjorden for å få tilgang til areal.
Områdeplanen frå Kiwi-bygget og til Vågselva vil dermed nesten bli slik utbyggjarane ønskjer med ambisiøse planar for næring og leilegheiter.
Kommunaldepartementet ser positivt på at det blir laga ein heilskapleg plan for området, med vekt på å rydde opp i og utvikle eit unytta område i tettstaden. Vedtaket er fatta på høgaste politiske nivå i departementet.
