Arne Gunnar Habbestad i Omega 365 Property viser eit bilete av Ølensvåg frå 1960-talet og peikar ut kvar hovudbygget ligg i dag. Med veksten i selskapet utelukkar dei ikkje fleire utvidingar på sikt.
Sirianne VIkestad
Nytt Omega-bygg klart for innflytting
Når februar kjem, flyttar nær 80 tilsette i Omega 365 inn i nytt bygg i Ølensvåg. Nybygget er på 1 830 kvadratmeter og har mellom anna stor takterrasse og treningsrom.
På
veggene heng bilete frå Australia, Singapore og USA, side om side med fotoglimt
frå Ølensfjorden og gamle Ølensvåg. Går du gjennom det nye bygget til Omega
365, blir du fort minna på at her er ei verksemd med globale vyer, samtidig som
dei satsar lokalt.
— Det viktigaste har vore å skaffa kontorplassar nok, seier Arne Gunnar Habbestad
i Omega 365 Property, når han tek Grannar med på omvising i nybygget.
Ved
månadsskiftet flyttar nær 80 kollegaer frå det gamle hovudbygget inn i dei nye
lokala. Her er alt utstyr nytt, og utsikta ut over fjorden blir nærast ein del
av inventaret. Store vindaugsflater slepp inn både lys og skiftande vêr, og
gjer naturen ute til ein lett stad å kvila auga på i arbeidskvardagen.
