Noreg på topp i digital avislesing

Det er mykje bruk av redaktørstyrte medium i heile Norden, men Noreg skil seg ut med største andel som les digitale aviser. Dette gjeld alle aldersgrupper.

Medan 63 prosent av nordmenn svarar at dei les digitale aviser for å halde seg oppdaterte, er det tilsvarande talet mellom 30 og 46 prosent i andre nordiske land, går det fram av ei pressemelding frå Medietilsynet.

– Resultata tyder på at redaktørstyrte medium i Noreg har lukkast godt med den digitale overgangen og står sterkt blant innbyggjarane. Dette samsvarar også med andre undersøkingar og rapportar, seier direktør i Medietilsynet, Mari Velsand.