Endeleg er det mogleg å køyra gjennom Fjæra igjen
No blir det samanhengande kolonnekøyring på E134 – også for tungtransporten
Sidan 19. mars har det vore kolonnekøyring på E134
ved Fjæra etter steinraset tidleg i månaden. Mens lette køyretøy har kunna
passera via gamlevegen, har tungtransporten måtta venta på pausar i arbeidet. Dette
har ført til ventetid på opptil to timar på dagtid for yrkessjåførar.
Ifølgje Stavanger Aftenblad blei det frå måndag denne
veka sett i gang samanhengande kolonnekøyring for alle typar køyretøy.
— Første del av fanggjerdet er ferdig, og
kontinuerleg kolonne for alle blei sett i verk klokka 11 i dag. Det betyr at
jobben gjekk raskare enn me først trudde, så det er me godt fornøgde med, uttalte
Morten Hage i Statens vegvesen til avisa måndag.
